Во рамките на малата акција ,,Креативен еко активизам” поддржана од ,,НВО Инфоцентарот” од Скопје беше спроведена мала еко акција во с.Ростуше. На еко акцијата учествуваа млади волонтери од Маврово и Ростуше.
Еко акцијата беше спроведена во с.Ростуше односно на паркингот кај старата општина, околу домот на културата и просторот пред средното општинско училиште ‘Маврово и Ростуше’.
Целта на оваа акција беше да се поттикнат младите активно да се вклучат во заштитата на животната средина и воедно да се даде симболичен старт на ,,Еко Патролата” која ќе биде формирана во месец јануари и ќе биде составена од млади и членовите на нашето здружение, а истата ќе има за цел да го спречи прекумерното фрлање на џебен отпад на улиците, како и детектирањето на најголемите проблеми и нудењето на решенија за намалување на дивите депонии во нашата општина.
